संबिधान निर्माण गर्न दलहरुलाई चार महिना प्रयाप्त : सभामुख

१६ माघ, काठमाडौ । संविधानसभ अध्यक्ष सुवासचन्द्र नेम्वाङले जेठ १४ गतेभित्र शान्ति प्रक्रिया टुंग्याई संविधान जारी गर्न समय प्रयाप्त भएको बताउनुभएको छ ।

काठमाडौंमा आज भएको एक कार्यक्रममा बोल्दै अध्यक्ष नेम्वाङले दलहरुलाई संविधान लेखन र शान्ति प्रक्रिया टुंग्याउने भन्दा अन्य विकल्प नखोज्नसमेत आग्रह गर्नुभयो ।

लगातार अवरुद्ध संसद सुचारु गर्दै अबरुद्ध शान्तिप्रक्रियालाई अघि बढाउने विषयमा दलहरुसंग छलफल भइरहेकोले दलहरु निष्कर्षमा पुग्नेमा आफू बिशस्त रहेको बताउनुभयो ।

सभाध्यक्ष नेम्वाङले माओवादी जनसेनाको बहिर्गमन र समायोजन प्रक्रिया अवरुद्ध हुनुले जनतामा नकरात्मक सन्देश गएको भन्दै गम्भिर हुन सरकारलाई आग्रह पनि गर्नुभयो ।

संविधान लेखनकार्यमा पनि पनि दलहरुको आ आफ्नै अडानका कारण खासै प्रगति हुन नसकेको भन्दै अध्यक्ष नेम्वाङले बांकी रहेको चार महिनाभित्रै नयाँ संविधान जारी गर्नुको कुनै विकल्प नरहेको बताउनुभयो ।