काठमाडौं । अमेरिकी बहुराष्ट्रिय प्रविधि कम्पनी एप्पलले छ सयभन्दा धेरै कर्मचारी कटौती गरेको छ । यो आइफोनको जनशक्तिमा कोरोना महामारीपछिको ठूलो सङ्ख्यामा कर्मचारी कटौती हो । एप्पलले छ सय १४ कर्मचारीलाई निकालेको हो । कोरोना महामारीपछि अमेजन, मेटा, गुगल र अन्य प्राविधिक कम्पनीमा पनि कर्मचारी कटौती गरिएको थियो ।

तर एप्पलले अहिलेसम्म महामारीको ठूलो असर भोगेको थिएन । ब्लुमबर्गले आइफोन निर्माता कम्पनीले कर्मचारी कटौती गर्नुपर्ने अवस्था विद्युतीय कार बनाउने असफल योजनासँग सम्बन्धीत रहेको उल्लेख गरेको छ । क्यालिफोर्निया राज्यको रोजगार विभागलाई गएको मार्च २७ तारिखमा मे महिनामा कर्मचारी कटौती हुन सक्नेबारे जानकारी गराइएको थियो ।